കനവെല്ലാം കാത്തുവെച്ചു ..(ഗാനം) -(ആൽബം ഇവർകൂട്ടുകാർ.)

ജിവിതത്തിൽ സുഹൃത്ബന്ധം എന്നും വിലപ്പെട്ടതാണ്‌ . നിങ്ങൾക്കുള്ളത്പോലെ എനിക്കും ഏറെ പ്രിയപ്പെട്ട ഒരു സുഹൃത്തുണ്ട് , ഗഫൂർ. 2008 ൽ അവനെ കുറിച്ച് ഒരു ഗാനം രചിച്ച് കൊണ്ടാണ് കഥയുടെയുടെ ലോകത്ത് നിന്നും ഞാൻ   പാട്ടുകളുടെ ലോകത്തേക്ക് കടക്കുന്നത് . എന്റെ സുഹൃത്ത് സലീംകോടത്തൂരിന്റെ മധുര ശബ്ദത്തിൽ നിങ്ങൾ കേട്ട് ആസ്വദിച്ച , എന്നും എന്റെ പ്രിയപ്പെട്ട ആ ഗാനം നിങ്ങൾക്ക് സമർപ്പിക്കുന്നു....  സ്നേഹത്തോടെ                                                                                                            റൗഫ്റഹ്മത്തുള്ള,                                            ***************************

കനവെല്ലാം കാത്തുവെച്ചു ..ആ കാലം ഓർത്തുവെച്ചു..
നിഴലായി എന്നും എന്നിലെ കൂട്ടുകാരാ..-എന്റെ
മരണം വരെ കാത്തുവെക്കും കൂട്ടുകാരാ ..
ചെറുപാദം മെല്ലെ പതിച്ച ആ ബാല്യ കാലത്തിൽ..-എൻ
കൈകോർത്തു പിടിച്ചുനടന്നെൻ കൂട്ടുകാരാ ...-എന്റെ
മരണം വരെ ചേർത്ത് വെക്കും കൂട്ടുകാരാ ......(കനവെല്ലാം )
ഒരു വാക്ക് മോഴിഞ്ഞന്നാലോ മറുവാക്ക് തെല്ലതുമില്ല ,
കളിയില്ല കാര്യവുമില്ല മുഖമൊന്നു കറുത്തതുമില്ല ..
കാലങ്ങൾ പഴകും തോറും സ്നേഹം കൂടും കൂട്ടുകാരാ

കാലങ്ങൾ പഴകും തോറും സ്നേഹം കൂടും കൂട്ടുകാരാ  .(കനവെല്ലാം )

കൂടെ പിറന്നവനല്ല ഭാര്യ ഭർത്താവതുമല്ല ,

കണ്ടവരോ കണ്ടുകൊതിക്കും കാണാത്തൊരു സ്നേഹം കണ്ടാൽ 

അങ്ങകലെ പോയന്നാലും സ്നേഹം കൂടും കൂട്ടുകാരാ 

അങ്ങകലെ പോയന്നാലും സ്നേഹം കൂടും കൂട്ടുകാരാ (കനവെല്ലാം

പിരിയാത്തൊരു ബന്ധവുമാണേ പിരിശങ്ങൾ ഏറെയുമാണേ 

ഇരുലോകം ചുറ്റി നടന്നാൽ കാണില്ലിതുപോലൊരു പേരെ ..

മരണം കൊണ്ടല്ലാതെ നാം പിരിയുകയില്ലെൻ കൂട്ടുകാരാ 

മരണം കൊണ്ടല്ലാതെ നാം പിരിയുകയില്ലെൻ കൂട്ടുകാരാ (കനവെല്ലാം )
                                                                                                   
                                                                                                          റൗഫ്റഹ്മത്തുള്ള,

                     ***************************