മദ്യത്തിനും മനുഷ്യനും ഇടയിൽ ,

             

            മനുഷ്യനും ലഹരിയും തമ്മിൽ നൂറ്റാണ്ടുകളോളം ബന്ധമുണ്ട് .

 മനസ്സിനെ ഉല്ലാസപരിതമക്കാൻ , മനസ്സിലെ പിരിമുറുക്കങ്ങൾക്ക് ഒരു അയവുവരാൻ , എല്ലാം മറക്കാൻ , അങ്ങനെ പല ന്യായികരണങ്ങളും പണ്ടുമുതലേ മനുഷ്യൻ മദ്യഗ്ലാസ്സിനും ചുണ്ടിനുമിടയിൽ നിരത്താർ ഉണ്ട് .

     എന്നാൽ ഇന്നിന്റെ തലമുറക്ക് പറയാൻ  ഒരേ ഒരു വാക്ക്, .. 'ഒരു രസം'  അതിനുമപ്പുറം മറ്റൊന്നും അവർ ചിന്തിക്കുന്നില്ല ,അവർ അറിയുന്നുമില്ല .ഒരു ഗ്ലാസ്‌ മദ്യം കൊണ്ട് എന്ത് നേടുന്നു എന്ന് ചോദിച്ചാൽ അവർ പറയും .. 'ഒരു രസം '..., മദ്യപിച്ചു മദോന്മാരായി അബോതാവസ്ഥയിലായാൽ ..അവർ പറയും .. 'ഒരു രസം' മദ്യഗ്ലാസ്സുകൾ തമ്മിൽ കൂട്ടിമുട്ടിച്ച് ചിയേഴ്സ് പറയ്മ്പോഴുണ്ടാകുന്ന ബന്ധമാണ് നല്ല സുഹുർത്ബന്ധമെന്ന് വിശ്വസിക്കുന്ന ചിലരുണ്ട് . മദ്യപാനംകൊണ്ടുള്ള ബന്ധമാണ് ഏറ്റവും നല്ല ബന്ധം എന്നുവിശ്വസിക്കുന്നവരുമുണ്ട് .  
                               

   '' നീ എത്ര പെഗ്ഗടിക്കും ...'' ഒരാൾ തന്റെ സുഹ്ർത്തിനോട്‌ ഒരു വെല്ലുവിളിയെന്നോണം ചോദിക്കും.. "ഞാനൊരു അഞ്ചാറ് പെഗ്ഗടിക്കും " സുഹൃത്തിന്റെ മറുപടി കേട്ടാൽ ഒരു പരിഹാസ ഭാവത്തോടെ  അയാൾ പറയും "അഞ്ചാറു പെഗ്ഗോ...അയ്യേ..മോശം..,ഞാനൊക്കെ ഒരു ഫുൾ ഒറ്റക്കിരുന്നു തീർക്കും ..സ്റ്റാമിന  വേണം ..അല്ലാത്തോൻ ഈ പണിക്ക് നിൽക്കരുത് .." 
       കൂടുതൽ പെഗ്ഗടിക്കുന്നതാണ് ശരീരത്തിന്റെ സ്റ്റാമിന എന്ന് കരുതുന്ന ചിലരുണ്ട് ഇക്കൂട്ടരുടെ ഇടയിൽ .അതിനുവേണ്ടി കഷ്ടപ്പെട്ട് കുടിച്ച് പെഗ്ഗിന്റെ അളവുകൂട്ടുന്നവരും കുറവല്ല ..അവർ നേടുന്നത് സ്റ്റാമിന അല്ല ,മറിച്ച് രക്തത്തിൽ ആല്കഹോളിന്റെ അളവ് കൂട്ടുകയാണ് .സ്വാപാവികാമായും പിന്നീട് ശരീരം അതിനോട് പ്രതികരിക്കാതിരിക്കും .അയാൾ നല്ലൊരു മദ്യപാനിയുമാകും .കുറച്ചു കുടിക്കുംബോഴേക്കും വാള് വെക്കുന്നവരുണ്ട് ..മദ്യപാനികളുടെ ഇടയിൽ അയാൾ പരിഹാസ്സിതനാവുകയും ചെയ്യും . ഇങ്ങനെ വരുമ്പോഴും ചിലർ മിനക്കെട്ട് കുടിച്ച് വാളുവെക്കാതെ നോക്കും .അയാളും അങ്ങനെ നല്ലൊരു കുടിയനാകുന്നു .
                പതിനഞ്ചു രൂപയുടെ ഒരുബോട്ടിൽ വെള്ളം വാങ്ങാൻ കാശ്കൊടുക്കാത്തവൻ ആയിരം രൂപയുടെ ഒരു ഫുൾ ബോട്ടിൽ വാങ്ങാൻ കാശ് കൊടുക്കും .വിശന്നാൽ ഭക്ഷണം വാങ്ങിച്ചു കൊടുക്കാതെ വയറു നിറച്ച് കള്ള് വാങ്ങിക്കൊടുക്കും ഇത്തരക്കാർ.  ഇങ്ങനെ കാശ് ചിലവാക്കുന്നവരെ പറഞ്ഞിട്ടും കാര്യമില്ല , കാരണം കള്ള്കുടി മാത്രമാണ് ജീവിതമെന്ന് കരുതുന്ന ചില ഹതഭാഗ്യവന്മാരാണ് ഇത്തരക്കാരെ സൃഷ്ടിക്കുന്നത് .
            ക്ഷമയും വിട്ടുവീഴ്ചയും മദ്യപാനികളുടെ ഇടയിൽ ധാരാളം കാണാം .മാത്രവുമല്ല തുറന്ന മനസ്സും .നാം ഒരു ഓട്ടോ കാരനെ വിളിച്ചാൽ അയാൾക്ക് വൈറ്റിങ്ങ് ചാർജ് കൊടുക്കേണ്ടി വരും. ഒരഞ്ചു മിനുട്ട് നമ്മളൊന്ന് വൈകിയാൽ അയാൾ ബഹളം വെക്കും.എന്നാൽ ആ ഓട്ടോകാരൻ തന്റെ സുഹൃത്തിന്റെ കൂടെ ബിവറേജിൽ പോകും .കാശ് വാങ്ങില്ല .പകരം കള്ള് മതി .എത്ര സമയം വേണമെങ്കിലും ബിവറെജിന്റെ മുന്നിൽ കാത്ത്കെട്ടികിടക്കും ...നോ വൈറ്റിങ്ങ് ചാർജ് ..നോ ടെൻഷൻ .. പകരം കള്ളുമതി ..സൊ ,ഹാപ്പി ...ജീവിതം ധന്യം .
                            " ജീവിതത്തിൽ എന്തെങ്കിലും രസമുണ്ടെങ്കിൽ അത് മദ്യപാനമാണ്‌ "..ഇങ്ങനെ പറയുന്ന എത്രയോ പേർ നമുക്കിടയിലുണ്ട് . നല്ല കൈതോഴിലറിയുന്നവൻ പണിക്കുപോകാതെ കള്ളിന്നു വേണ്ടി അലയുന്നു ..എന്തൊരു വേദനാജനകമാണ് ആ അവസ്ഥ കാണുന്നവർക്ക് .കുടുംബങ്ങളിലെ അസ്വസ്തതയിലേക്ക് ഞാൻ കടക്കുന്നില്ല ..
                            എന്തെങ്കിലും ലഹരി മനുഷ്യനിൽ എപ്പോഴും ഉണ്ടാകും ..സംഗീതം ,സാഹിത്യം ,കല ,കായികം ,പെണ്ണ്‍ ,മണ്ണ്‍ ,പണം ,മതം,എന്നിങ്ങനെ എന്തെങ്കിലുമൊന്ന് അവന്റെയുള്ളിൽ ലഹരിപോലെ ഉണ്ടാകും .മദ്യമെന്ന ലഹരിയോട് വിടപറഞ്ഞ് ,നിങ്ങളിൽ നിങ്ങളറിയാതെ ഉറങ്ങുന്ന കഴിവുകളെ, തൊട്ടുണർത്തൂ ...അതിനെ ഒരു ലഹരിയാക്കൂ .. ..    മദ്യത്തെക്കാൾ  നല്ല ലഹരി നിങ്ങൾക്കാസ്വതിക്കാം ... ഈ ജീവിതത്തിൽ നിങ്ങൾ ആരാണ് എന്ന് മറ്റുള്ളവർക്ക് മനസ്സിലാക്കി കൊടുക്കൂ ....
       

                                          

                                      *  -------ശുഭം -----*

                                                                                                   റൗഫ്റഹ്മത്തുള്ള,